शेर्पा समुदायले मनाउने ग्याल्पो ल्होसार पर्व विविध कार्यक्रम गरी आज मनाइँदै छ । नयाँ वर्षका रूपमा शेर्पा समुदायले २१५०औँ ग्याल्पो ल्होसार मनाइरहेका छन् ।

यो ल्होसार फागुन शुक्ल प्रतिपदादेखि पूर्णिमासम्म विविध कार्यक्रम आयोजना गरी मनाइन्छ ।

सो अवसरमा नेपालमा रहेका तिब्बती शरणार्थीले पनि ग्याल्पो ल्होसार मनाएका छन् । जावलाखेलमा रहेको शरणार्थी क्याम्पमा परम्परागत पहिरनमा सजिएर नाचगानका साथ उनीहरूले ग्याल्पो ल्होसार अर्थात नयाँ वर्ष मनाएका हुन् ।