- वि.सं २o८१ बैशाख २२ शनिबार
कम्प्युटर एसोसिएसन नेपाल महासंघ (क्यान)को २८औँ संस्करण आज सकिँदै छ । २४ माघदेखि भृकुटीमण्डपमा जारी ‘इन्फोडेभलपर्स क्यान इन्फोटेक’ आज समापन हुन लागेको हो । यस संस्करणमा नेपालमै विकास भएका विज्ञान तथा सूचना प्रविधिसँग सम्बन्धित उत्पादन र सेवालाई विशेष प्राथमिकताका साथ प्रदर्शनीमा राखिएको छ ।
साथै, विभिन्न कलेजका विद्यार्थीले तयार पारेका परियोजनालाई पनि स्थान दिइएको छ । प्रदर्शनी हेर्न आउने अधिकांश अवलोनकर्ताले स्वदेशी सीप र उत्पादनसहितको प्रविधिको प्रशंसा गरेका छन् ।
प्रदर्शनीमा ३१ ओटा स्टार्टअप राखिएका छन् । यसअन्तर्गत यार्सा टेक, इट फिट, सजिलो मर्मत सेवा, मोनालटेक, भक्सक्रो, स्मार्ट हाजिर, बगभी, रमाइलो गेम्स, सफ्टवेयर स्टोर, क्युरा हेल्थ, चिम्पभाइनलगायतका स्टार्टअप टिमले तयार पारेका नवीनतम् उत्पादन एवं सेवामा विद्यार्थीदेखि व्यवसायी र लगानीकर्ताले चासो देखाएका आयोजकले जनाएको छ ।
