यातायात व्यवस्था विभागले मंसिर महिनामा चार सय ५६ सवारीधनीलाई कारबाही गरेको छ। सवारी तथा ट्राफिक नियम उल्लंघन गरेकाले उनीहरूलाई कारबाही गरिएको विभागले जनाएको छ।

नियम उल्लंघन गर्ने सवारीधनी तथा सवारीचालकबाट सो अवधिमा तीन लाख ४८ हजार सात सय ५० रुपैयाँ जरिवाना असुल गरिएको छ। सवारी तथा यातायात व्यवस्था ऐन, २०४९ तथा नियमावली, २०५४ तथा यातायात व्यवस्थापन कार्यविधि, २०६० (संशोधित)बमोजिम अनुगमनका क्रममा उनीहरूलाई कारबाही गरिएको विभागले जनाएको छ।