- वि.सं Invalid date format
नेपाली कांग्रेसले संसद् विघटनलाई असंवैधानिक ठहर गरेको छ। शुक्रबार पार्टी कार्यालय सानेपामा बसेको कार्यसम्पादन समितिको बैठकले यस्तो निष्कर्ष निकाल्दै अन्य राजनीतिक दलहरूसँग संवाद गर्ने निर्णय गरेको छ।
बैठक उपसभापति पूर्णबहादुर खड्काको संयोजकत्वमा बसेको थियो। जेन–जी आन्दोलनपछि पहिलोपटक पार्टीको औपचारिक बैठक बसेको हो। कांग्रेस केन्द्रीय कार्यालय आन्दोलनकारीद्वारा गरिएको आगजनी र तोडफोडका कारण क्षतिग्रस्त भएको अवस्थामा बैठक गरिएको कांग्रेस प्रचार विभाग प्रमुख मीन विश्वकर्माले जानकारी दिए ।
बैठकले संसद् विघटन असंवैधानिक भएको ठहर गर्दै यस विषयमा अन्य दलसँग पनि छलफल गर्ने निर्णय गरेको छ ।
साथै, केन्द्रीय समिति बैठक दसैँअघि नै बोलाउने निर्णयसमेत गरेको छ ।
