- वि.सं Invalid date format
नवलपुरको विनयी त्रिवेणी गाउँपालिका ४, डुम्रे खोलामा एकजना ७७ बर्षीय पुरुष मृत फेला परेका छन्।
जिल्ला प्रहरी कार्यालय नवलपुरका अनुसार विनयी त्रिवेणी गाउँपालिका ३ चिसापानीनिवासी ७७ वर्षीय रेवनसिंह खंगाहा मृत अवस्थामा फेला परेका हुन्।
प्रहरीका अनुसार विनयी त्रिवेणी ४ का वडाध्यक्ष साहिल श्रेष्ठले प्रहरीले खबर गरेपछि प्रहरी उक्त स्थानमा पुगी घटनास्थल सुरक्षित राखी घटनाको अनुसन्धान गरिरहेको जनाएको छ।
उनी हिजो दिउँसो घरबाट बगैँचातर्फ जान्छु भनी निस्केर बेपत्ता भएका थिए। उनको शव आज खोलामा घोप्टो परेको अवस्थामा फेला परेको हो।
