- वि.सं Invalid date format
कर्तव्य ज्यान मुद्दामा फरार भएको २१ वर्षपछि एक प्रतिवादी पक्राउ परेका छन् । पक्राउ पर्नेमा चैनपुर नगरपालिका– ९ का ६२ वर्षीय दुर्गाबहादुर तामाङ रहेको जिल्ला प्रहरी कार्यालय संखुवासभाका सूचना अधिकारी तथा प्रहरी निरीक्षक रामकुमार लामिछानेले बताए । उनका अनुसार २२ चैत ०६१ मा भोजपुर जरायोटार– ४ का ३६ वर्षीय परशुराम विश्वकर्मालाई कर्तव्य गरी मारी तामाङ फरार रहेका थिए ।
पुनरावेदन अदालत धनकुटाले १७ असार ०६९ मा दुई वर्षको कैद फैसला सुनाएपछि उनी फरार थिए । गाउँ फर्की लुकीछिपी बसिरहेको भन्ने विशेष सुराकीका आधारमा आइतबार उनलाई पक्राउ गरिएको जिल्ला प्रहरी कार्यालय संखुवासभाले जनाएको छ । उनलाई जिल्ला अदालतबाट आइतबार नै म्याद थप गरी कैद भुक्तानका लागि जिल्ला कारागार खाँदबारी चलान गरिएको छ ।
