पक्राउ पर्नेमा अधिकांश सरकारी सेवाबाट अवकाश पाएका कर्मचारी
बझाङमा ९१ हजार नगदसहित ११ जना जुवाडे पक्राउ परेका छन् । जुवातास खेलिरहेको भन्ने गोप्य सूचनाका आधारमा खटिएको प्रहरीको टोलीले जयपृथ्वी नगरपालिका- ९ सिमखेतबाट ९१ हजार पाँच सय ७५ रुपैयाँसहित ११ जनालाई पक्राउ गरिएको जिल्ला प्रहरी कार्यालय बझाङले जनाएको छ ।
पक्राउ पर्नेमा जयपृथ्वी नगरपालिका– ९ देवलका दीपक खड्का, इन्द्रबहादुर खड्का, नवराज धामी, दीर्घ कठायत, वडा नम्बर ८ बस्ने नन्दबहादुर बोहरा, स्थानीय शिक्षक मकरबहादुर सिंह, छबिसपाथिभेरा गाउँपालिका– २ का वीरेन्द्र कठायत, दर्शन रोकाया, गगनबहादुर कठायत, अनिल मण्डेल र विष्णु मण्डेल रहेको प्रहरी जनाएको छ ।
पक्राउ परेकामध्ये अधिकांश सरकारी सेवाबाट अवकाश पाएका कर्मचारी रहेका छन् भने केही व्यापारी र स्थानीय किसान रहेको जिल्ला प्रहरी कार्यालय बझाङका डिएसपी ज्ञान बहादुर विष्टले बताए । उनीहरूलाई नियन्त्रणमा लिएर थप अनुसन्धान भइरहेको प्रहरीले जनाएको छ।
