अख्तियारको निरीक्षक भन्दै पैसा असुल्ने तीनजना पक्राउ

शुक्रबार, १७ असार, २०७९
डिजिटल संस्करण

महोत्तरीको जलेश्वर नगरपालिका– १२ सीमा क्षेत्रमा नेपाल–भारत आउजाउ गर्नेहरूसँग अख्तियारको प्रहरी निरीक्षक हुँ भन्दै पैसा असुल्ने तीनजनालाई प्रहरीले पक्राउ गरेको छ ।

पक्राउ पर्नेमा जलेश्वर– १२ का ३० वर्षीय रवि ठाकुर, लोहारपट्टी नगरपालिकाका २९ वर्षीय प्रभास झा र २१ वर्षीय हमिद राइन रहेका छन् । प्रहरी नायब उपरीक्षक प्रकाश विष्टका अनुसार तीनैजनालाई बिहीबार साँझ जलेश्वर– १२ नैन्ही गाउँस्थित सीमानाकाबाट पैसा असुली गरिरहेको अवस्थामा प्रहरीचौकी नैन्ही र सशस्त्र प्रहरी बल नेपाल बिओपी जलेश्वरको टोलीले पक्राउ गरेको हो ।

प्रहरीले उनीहरूको साथबाट पाँच हजार आठ सय भारु बरामद गरेको छ । तीनैजनालाई आवश्यक अनुसन्धानका लागि जिल्ला प्रहरी कार्यालयमा राखिएको छ । 

सुझावित समाचार