पूर्वसांसद लक्ष्मीदास मानन्धरको निधन भएको छ। साल्ट ट्रेडिङ लिमिटेडका अध्यक्षसमेत रहेका उनको ९४ वर्षको उमेरमा बिहीबार राति निधन भएको हो। राति सुत्न लागेका वेला बान्ता भएपछि मानन्धरलाई उपचारका लागि ह्याम्स अस्पताल धुम्बाराही लगिएको थियो। अस्पताल पुर्याएको केहीबेरमा चिकित्सकले मृत घोषणा गरेको लिमिटेडका प्रवक्ता ब्रजेश झाले जानकारी दिए। विसं २०२० भदौ २० गते लिमिटेडको स्थापना हुँदा उनी संस्थापक सञ्चालकका रुपमा रहेका थिए।
लिमिटेडको संस्थापक सञ्चालकमध्ये बिहीबारसम्म उनी एकजना मात्र जीवित थिए। लिमिटेडको स्थापना हुनुअघिदेखि नै मानन्धरले नुनको व्यापार गर्दै आएका थिए। नेपालमा नुनको व्यापार व्यवस्थित गर्न सरकारले लिमिटेडको स्थापना गरेपछि उनी त्यसको संस्थापक सञ्चालक बनेका थिए। व्यवसायका साथै उनी नेकपा (एमाले) को राजनीतिमा पनि सक्रिय थिए। मानन्धरले नेपाल भाषाको संवर्द्धनमा पनि काम गरेका थिए।
मानन्धरको आजै विष्णुमती किनारस्थित इन्द्रायणी मन्दिर परिसरमा धार्मिक विधिअनुसार अन्त्येष्टि गरिने बताइएको छ। अन्त्येष्टिअघि ठहिटीस्थित उनको निवासबाट शवयात्रा गरिनेछ। मानन्धरका दुई छोरा र दुई छोरी छन्। रासस
साल्ट ट्रेडिङका अध्यक्ष मानन्धरको निधन
सुझावित समाचार
मधेश प्रदेशका नवनियुक्त मुख्यमन्त्री यादवले पद तथा गोपनीयताको शपथ लिए
जनकपुरधाम । मधेश प्रदेशका नवनियुक्त मुख्यमन्त्री सरोजकुमार यादवले पद तथा गोपनीयताको शपथ लिएका छन् । प्रदेश प्रमुख डा.…
धरानबाट ४९९ किलो गाँजा र स्कारपियाेसहित एकजना पक्राउ
सुनसरी । जिल्ला प्रहरी कार्यालय सुनसरीले लागुऔषध गाँजा र स्कार्पियोसहित एकजनालाई नियन्त्रणमा लिएको छ। प्रहरीका अनुसार शनिबार…
दोलखामा १९ मंसिरमा थामी संघको राष्ट्रिय अधिवेशन हुने
अधिवेशनको उद्घाटन एमाले अध्यक्ष केपी ओलीले गर्ने काठमाडौं । नेपाल लोकतान्त्रिक थामी संघको प्रथम राष्ट्रिय अधि…
बाँकेको शमशेरगन्जमा सडकमाछाडिएका १३ सय गाईको संरक्षण
बाँके- बाँकेको राप्तीसोनारी गाउँपालिका– २, शमशेरगन्जस्थित मंगल राधिका सदानन्द गौसेवा धाममा स्थानीय जातका एक हजार तीन स…
नयाँ पुस्तालाई नाच सिकाउन ‘भैलो महोत्सव’
दाङ- दाङको बंगलाचुली गाउँपालिका–४, तापाका १२ वर्षीय समीर पुनले यसै वर्षदेखि मौलिक पुर्ख्यौली भैलो नाच राम्ररी नाच्न सिक…
मधेशमा अल्पमतको सरकार, संसदमा एक महिनाभित्र बहुमत सिद्ध गर्नुपर्ने
जसपा संसदीय दलका नेता सरोजकुमार यादव मुख्यमन्त्री नियुक्त, एमाले, कांग्रेस र नेकपाको असन्तुष्टि मुख्यमन्त्री नियुक्त भएपछि&nb…