महाकवि लक्ष्मीप्रसाद देवकोटाको ११३औँ जन्मजयन्तीका अवसरमा देवकोटाको साहित्यिक योगदानको चर्चा एवं कविगोष्ठीलगायतका कार्यक्रम गरिएका छन्। साहित्यिक पत्रकार संघ र कमलपोखरी छठपूजा समाजको संयुक्त आयोजनामा बुधबार कमलपोखरीमा साहित्यिक कार्यक्रम सन्पन्न भएको छ। कार्यक्रममा वरिष्ठ नियात्राकार घनश्याम राजकर्णिकारले देवकोटाको योगदानको स्मरण गर्दै कमलपोखरी क्षेत्रको विकासबारे प्रकाश पारे। वरिष्ठ नाट्यकर्मी अशेष मल्लले नेपाली साहित्यमा देवकोटाको योगदान अविष्मरणीय भएको बताउँदै नेपालले विश्वमा देखाउन सक्ने ती विशेष कुरामा सगरमाथा, बुद्ध र देवकोटा रहेको उल्लेख गरे।
कवि एवं समालोचक प्रमोद प्रधानले नेपाली साहित्यमा सबैभन्दा बढी विद्यावारिधि गरिएको र सबैभन्दा बढी पुस्तक लेखिएका साहित्यकार सम्भवतः देवकोटा नै भएको बताए। अन्तर्राष्ट्रिय नेपाली साहित्य समाजका केन्द्रीय उपाध्यक्ष बाबा बस्नेतले देवकोटाको सम्झनाले नेपाली साहित्यकारले गौरवबोध गर्ने गरेको धारणा राखे।
सो अवसरमा सर्जक नरेन्द्रबहादुर श्रेष्ठ, नियात्राकार युवराज नयाँघरे, दामोदर पुडासैनी, मन्जिला अनिल, गीता कार्की, शान्ति रिसाल, शशी रिमाल, शशि थापा, मुरारी सिग्देल, नीता श्रेष्ठ, पारू तिमिल्सिना, एलिशा ढुंगानालगायतले कविता वाचन गरेका थिए। संघका अध्यक्ष राधेश्याम लेकालीले आगामी दिनहरूमा पनि संघले यस्ता कार्यक्रम गर्ने जानकारी दिए। जयन्तीका अवसरमा नेपाल प्रज्ञा प्रतिष्ठानले बुधबार कमलादीमा विशेष कार्यक्रमको आयोजना गरेको थियो भने कौशिकी साहित्य प्रतिष्ठानले पुस्तक विमोचनको कार्यक्रम आयोजना गरेको थियो। रासस
महाकवि देवकोटाको साहित्यिक योगदानबारे चर्चा
सुझावित समाचार
करको दर बढाएर होइन, उत्पादन बढाएर राजस्वको आधार फराकिलो बनाउनुपर्छ : मुख्यमन्त्री थापा मगर
मकवानपुर /बागमती प्रदेशका मुख्यमन्त्री किरण थापा मगरले करको दर बढाएर मात्र राजस्व वृद्धि गर्नुभन्दा उत्पादन, लगानी, रोजगारी र आर्थ…
यौन हिंसासम्बन्धी विधेयकको मस्यौदा तयार
असहमतिको यौन सम्बन्धलाई पनि बलात्कार मानिने
स्थानीयले सुझबुझ देखाएको घुस्की घटना
छठका १२० वटा पूजास्थल तोडफोड गरिएपछि सुरक्षा व्यवस्थामाथि प्रश्न, रातारात पुनर्निर्माण गरियो छठघाट विराटनगर- सुनसरीको ह…
सरकारमा जनमतको दम्भ देखियो : पौडेल
कास्की/ कांग्रेस महामन्त्री प्रदीप पौडेलले जनमतको दम्भका आधारमा सरकार कानुनभन्दा माथि बस्न खोजेको बताएका छन् । कांग्रेस गण्डकी प्रद…
खैरो हेरोइनसहित तीन जना भारतीय नागरिक पक्राउ
मोरङ- मोरङकाे रंगेली नगरपालिका–४ चोप्राहा बोर्डरबाट प्रतिबन्धित लागूऔषध खैरो हेरोइनसहित भारतीय दम्पती र उनीहरूका छोराल…
कांग्रेसको ‘हामी तयार छौँ’ अभियान आजदेखि
काठमाडाैं- प्रमुख प्रतिपक्षी कांग्रेसले स्थानीय तह निर्वाचनको पूर्वतयारी र पार्टी सुदृढीकरणका लागि ‘हामी तयार छौँ’ …