नेपालका लागि होन्डा गाडीको अधिकृत विक्रेता स्याकार ट्रेडिङ कम्पनी प्रालिले होन्डा सिटीको ५औँ जेनेरेसन नेपाली बजारमा बिक्री सुरु गरेको छ । कम्पनीले बिक्री सुरु गरेको कार आई–एसआरएसयुक्त ६ एयर ब्याग रहेको आफ्नो सेग्मेन्टको सबैभन्दा सुरक्षित कार हो ।
होन्डा सिटी पहिलोपटक लन्च भएदेखि यसले सेडान कारको बजारमा पृथक् पहिचान बनाएको कम्पनीको दाबी छ । यस जेनेरेसनको लम्बाइ र चौडाइ अघिल्लो जेनेरेसनभन्दा बढी रहेको जनाइएको छ ।
होन्डा सोलिड विइङ फेस डिजाइनमा आधारित यस गाडीमा वनटच इलेक्ट्रिक सनरुफ, सार्क फिन एन्टेना, फुल एलइडी हेडल्याम्पका साथै ९ एरे इनलाइन सेल इन्टिग्रेटेड एलइडी डिआरएल, एल आकार एलइडी टर्न इन्डिकेटर, जेड आकार थ्रिडी र्याप एराउन्ड युनिफर्म एलइडी साइड मार्क लाइटजस्ता विशेषता रहेको जनाइएको छ । होन्डा सिटीले पहिलोपटक यस सेग्मेन्टमा एलेक्सा भ्वाइस सर्भिसमार्फत कार उपभोक्तालाई सामाजिक र डिजिटल संसारसँग जोड्ने कम्पनीले जनाएको छ ।
७ स्पिड अटोमेटिक ट्रान्समिसनले प्रतिलिटर १८.४ किलोमिटर तथा ६ स्पिड म्यानुअल ट्रान्समिसनमा १७.८ किलोमिटर माइलेज रहेको जनाइएको छ । यसका साथै यस सेग्मेन्टमा लेन वाच क्यामेरा भएको होन्डा सिटी पहिलो सेडान भएकाले पार्किङ गर्न सहज हुने कम्पनीको दाबी छ ।
यसका दुई भेरियन्ट होन्डा भिएक्स सिभिटीको मूल्य ६५ लाख ९० हजार रुपैयाँ र जेड एक्स सिभिटीको मूल्य ६९ लाख ९० हजार रुपैयाँ तोकिएको कम्पनीले जनाएको छ ।
