मुख्यसचिव लोकदर्शन रेग्मीलाई राजीनामा गराएर सरकारले नयाँ मुख्यसचिव नियुक्त गर्न लागेको छ । बालुवाटारमा जारी मन्त्रिपरिषद् बैठककाे एजेन्डा मुख्यसचिव नियुक्तिबारे रहेको छ।
मुख्यसचिव रेग्मीले ७ कात्तिकदेखि अनिवार्य अवकाश पाउँदै छन् । उनले नियमित अवकाश पाएपछि मुख्यसचिव बनाउँदा प्रधानमन्त्री केपी शर्मा ओलीका निकट सचिवहरूले अवकाश पाउने भएकाले रेग्मीलाई राजीनामा गराउन लागिएको स्रोत बताउँछ ।
नयाँ मुख्यसचिवमा शंकरदास बैरागी, केदार अधिकारी तथा मोहनकृष्ण सापकोटालगायतको नाममा छलफल भइरहेको छ । जसमध्ये परराष्ट्रसचिव रहेका बैरागीको सम्भावना उच्च रहेको प्रधानमन्त्री कार्यालयका एक सचिवले बताए ।
मुख्यसचिव नभएको अवस्थामा उनीहरू सबैले २२ असोजदेखि अवकाश पाउनेछन् । सहमति भएमा आजै मुख्यसचिव रेग्मीको राजीनामा स्वीकृत गरेर नयाँ मुख्यसचिव नियुक्त गर्न लागिएको छ ।
See More On
