स्मार्ट टेलिकमको उपकरण लिलामी गरी हिनामिना गरिएको घटनामा थप दुई पक्राउ परेका छन्। प्रहरीको केन्द्रीय अनुसन्धान ब्युरो (सिआइबी)ले ललितपुरकी ५५ वर्षीया पलिना श्रेष्ठ र धापासीका ६२ वर्षीय नरेन्द्र उलकलाई पक्राउ गरेको हो।
यस प्रकरणमा यसअघि सिआइबीले स्मार्ट टेलिकमका पूर्वसञ्चालक सर्वेश जोशीलाई पक्राउ गरिसकेको छ। उनीहरूविरुद्ध ठगी र आपराधिक लाभ मुद्दामा कारबाही प्रक्रिया अघि बढेको सिआइबीका एसएसपी शिवकुमार श्रेष्ठले बताए ।
खारेज भइसकेपछि स्मार्ट टेलिकमको सम्पत्ति सरकारको हुनुपर्नेमा गैरकानुनी रूपमा लिलामी गरेको विषयमा सिआइबीले छानबिन गरेको हो।
See More On
