नेकपा एमालेका महासचिव शंकर पोखरेलले नेपालमा नयाँ जेलेन्स्की जन्माउने रणनीतिअनुसार निर्वाचन भइरहेको आरोप लगाएका छन् । शुक्रबार पार्टी कार्यालयमा पत्रकार सम्मेलन गर्दै उनले भदौ २३ र २४ गतेको जेन–जीको आकांक्षा र भावनामाथि खेलेर उनीहरूको आन्दोलनलाई अपहरण गरी मुलुकलाई गम्भीर भूराजनीतिक द्वन्द्वको चक्रव्युहमा पार्न घटना घटाइएको आरोप लगाए ।
जेन–जी आन्दोलनकै कारण मुलुक प्रतिगमनतर्फ गएको उनको ठहर छ । लोकतन्त्र कमजोर बनाएर देशमा कठपुतली सरकारको निर्माण गरेको भन्दै उनले नेपाललाई भूराजनीतिक द्वन्द्वको क्ीडास्थल बनाउने षड्यन्त्र भइरहेको आरोप लगाए ।
महासचिव पोखरेल नेपालको राष्ट्रिय स्वाधीनतालाई बलियो बनाउने एमाले लागिरहेको बताए । शक्तिराष्ट्रहरूको चलखेल गर्ने अखडा बनाउने नेपाललाई दिनुहुँदैन भन्दै उनले यसमा एमाले सशक्त भएर उभिने बताए ।
See More On
