एमाले अध्यक्ष केपी ओलीले २१ फागुनको निर्वाचनले देशलाई विनाश कि निर्माणतिर लैजाने महत्वपूर्ण फैसला गर्ने भन्दै पार्टीलाई बहुमत जुटाउने काममा सक्रिय हुन कार्यकर्तालाई अपिल गरेका छन् ।
पार्टीका साढे ६ लाख कार्यकर्तालाई एकैपटक मोबाइल सन्देश पठाएर उनीहरूलाई संगठित रूपमा सक्रिय तुल्याउने उद्देश्यले ओलीले अपिल गरेका हुन् ।
ओलीको चुनावी सन्देशमा भनिएकाे छ, ‘यहाँलाई अवगत नै छ– आसन्न निर्वाचनले देशलाई विनाशतर्फ धकेल्ने कि निर्माणको मार्गमा अघि बढाउने भन्नेबिचको हार–जितको फैसला गर्नेछ । देश निर्माणका लागि हाम्रो पार्टीलाई बहुमत आवश्यक छ । अत: बहुमतका लागि अपरिहार्य पार्टीका उम्मेदवारहरूको विजय सुनिश्चित गर्न कमरेडहरूको उच्च मनोबल र सक्रिय सहयोगको हार्दिक अपेक्षा गर्दछु ।’ ओलीको यस्तो सन्देश देशैभरका कार्यकर्ताको मोबाइलमा पुगेको छ ।
See More On
