बानेश्वरको थापागाउँमा रहेको चिरायु डेन्ट केयर एसोसिएटस् र पठाओ नेपाल प्राइभेट लिमिटेडबीच समझदारीपत्रमा हस्ताक्षर भएको छ ।
समझदारीपत्रमा पठाओका प्रयोगकर्ता, पठाओका राइडर र कर्मचारहरूलाई चिरायु डेन्ट केयर र यसका सिस्टर्स अर्गनाइजेशनले चिरायु डेन्ट केयरमा दन्त परीक्षण तथा उपचार गर्दा विशेष छुट दिने समझदारीपत्रमा हस्ताक्षर भएको हो ।
सो समझदारीपत्र हस्ताक्षरपश्चात् पठाओ प्रयोगकर्ता र राइडरले दन्त उपचारमा १० प्रतिशत र कर्मचारीहरूले २० प्रतिशत छुट पाउनेछन् ।
मंगलबार काठमाडौंमा आयोजित कार्यक्रममा चिरायु डेन्ट केयर एशोसिएसनका डाइरेक्टर सागर जोशी र पठाओ नेपालका ब्रान्ड आउटरिच अफिसर उत्सव शाहीबीच उपचारमा सेवामा छुट दिनेसम्बन्धी सम्झौँता पत्रमा हस्ताक्षर भएको हो ।
यस सहकार्यबाट पठाओ प्रयोगकर्ता, पठाओ राइडर र कर्मचारी लाभान्वित हुने विश्वास राखिएको छ ।
