चेल्सीले लगातार खराब प्रदर्शन गरेपछि प्रशिक्षक थोमस टुचेललाई बर्खास्त गरेको छ । यस सिजनमा केवल सात खेल खेलेको चेल्सीले बुधबार टुचेललाई बर्खास्त गरेको जनाएको हो ।
मंगलबार राति युरोपियन च्याम्पियन्स लिगअन्तर्गत समूह चरणको पहिलो खेलमै चेल्सी डाइनामो जाग्रेवसँग पराजित भएको थियो । चेल्सीको व्यवस्थापकले २० महिना सँगै काम गरेका टुचेलको भविष्य आगामी दिनमा नरहेको जनाएको हो ।
इंग्लिस प्रिमियर लिगमा ६ खेल खेलेको चेल्सीले तीन जित, एक बराबर र दुई हारसँगै १० अंक जोडेर छैटौँ स्थानमा छ । चेल्सी शीर्ष स्थानको आर्सनलभन्दा पाँच अंकले पछि छ । सन् २०२१ जनवरीमा फ्र्याक लाम्पार्डलाई परिवर्तन गर्दै टुचेल स्टामफोर्ड ब्रिज आएका थिए ।