- वि.सं Invalid date format
नारायणगढ–मुग्लिङ सडकअन्तर्गत तीन ठाउँमा पहिरो जाँदा सडक अवरुद्ध भएको छ । भरतपुर– २९ को केराबारी, इच्छाकामना– ६ को २ र ३ नम्बर पुलको बीचमा पहिरो गएको हो । सोही ठाउँको पहिरो पन्छाउने काम भइरहेको प्रहरीले जनाएको छ ।
त्यस्तै, भरतपुर– २९ सत्रकिलोमा पनि पहिरो गएको छ । केराबारी र इच्छाकामनाको पहिरो पन्छाइसकेपछि सत्रकिलोको पहिरो पन्छाउने प्रहरीले जनाएको छ । तीन ठाउँको पहिरोले गर्दा नारायणगढ–मुग्लिङ सडकखण्डमा रातिदेखि नै सवारीसाधन सञ्चालन हुन सकेको छैन ।
