- वि.सं Invalid date format
मदन भण्डारी लोकमार्गको त्रियुगा नगरपालिका– ७ चिसापानी खण्डमा बोलेरो जिप दुर्घटना हुँदा दुईजना घाइते भएका छन्।
झापाबाट सोलुखम्बुतर्फ जाँदै गरेको प्रदेश ३–०१–०१०२३ च ५८ नम्बरको जिप अनियन्त्रित भई दुर्घटनामा परेको जिल्ला प्रहरी कार्यालय उदयपुरमा कार्यरत इन्सपेक्टर मोहन थापाले जानकारी दिए।
थापाका अनुसार सोलुखुम्बु नेचासल्यान गाउँपालिका– १ का ३२ वर्षे झमक विक र ५४ वर्षे धनजन राई घाइते भएका छन्। घाइते राई नेचासल्यान गाउँपालिकाका अध्यक्ष हुन् भने विक जिपचालक हुन्। घाइते दुवैको जिल्ला अस्पताल उदयपुरमा उपचार भइरहेको र अवस्था सामान्य रहेको बताइएको छ।
