निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असार १९ आइतबार
  • Sunday, 03 July, 2022
२०७९ जेठ १२ बिहीबार ०७:४९:००
Read Time : < 1 मिनेट
मुख्य समाचार डिजिटल संस्करण

कर्णाली राजमार्गमा बस दुर्घटना हुँदा मृत्यु हुनेको संख्या चार पुग्यो (अपडेट)

Read Time : < 1 मिनेट
२०७९ जेठ १२ बिहीबार ०७:४९:००

दुर्घटनामा परेर ३९ जना घाइते, रातभर घाइतेको उद्धार

मुगुबाट नेपालगन्जतर्फ जाँदै गरेको म.१ख ६६० नम्बरको यात्रुबाहक बस कर्णाली राजमार्गअन्तर्गत दैलेखको आठबिस– २ को सिस्नेमा बुधबार राति दुर्घटना हुँदा ज्यान गुमाउनेको संख्या चार पुगेको छ । 

दुर्घटनामा परेर तीनजनाको घटनास्थलमै मृत्यु भएको हो भने एकजनाको उपचारका क्रममा बिहीबार बिहान २ बजे मृत्यु भएको जिल्ला प्रहरी कार्यालय दैलेखले जानकारी दिएको छ । 

मृत्यु हुनेहरूमा दैलेखको दुल्लु नगरपालिका- २ का प्रेम सुनार र काशीराम पाण्डे, कालिकोटको पलाता गाउँपालिका- ३ का ज्ञानबहादुर बम र धनकला शाही रहेको दैलेखका प्रहरी प्रमुख भुवनेश्वरप्रसाद शाहले जानकारी दिए । 

रातभर घाइतेको उद्धार

दुर्घटनामा परेर ३९ जना घाइते भएका छन् । घाइतेलाई रातभर उद्धार गरी थप उपचारका लागि सुर्खेत कालागाउँ अस्पतालमा लगिएको दैलेखका प्रमुख जिल्ला अधिकारी हरि प्याकुरेलले जानकारी दिए । घाइते हुनेमा बालबालिकासमेत छन् । 

घटनालगत्तै दैलेखको आठबिस नगरपालिका दैलेखका पूर्वनगरप्रमुख खड्गराज उपाध्याय, राकमको प्रहरी टोली घटनास्थलमा पुगेर घाइतेको उद्धारको काम सुरु गरिएको थियो । दुर्घटनामा परेर घाइते भएकाको उद्धार गरी सुर्खेत अस्पतालमा भर्ना गरिएको छ । 

बस सडकबाट करिब ५० मिटर तल कर्णाली नदीको तीरमा खसेको छ । बसमा ५० भन्दा बढी यात्रु रहेको र  तीव्र गतिका कारण  दुर्घटना  भएको प्रहरीले प्रारम्भिक अनुमान गरेको छ ।