Skip This
अछामको पञ्चदेवल विनायक नगरपालिकामा ट्रयाक्टर दुर्घटना हुँदा एकजनाको मृत्यु भएको छ । पञ्चदेवल विनायक नगरपालिका–१ कुइकाका अमरनाथ धमलाको मृत्यु भएको प्रहरीले जनाएको छ ।
पञ्चदेवल विनायक नगरपालिका– १ बाट मलामी बोकेर गएको भे १ त ८९३७ नम्बरको ट्रयाक्टर वडा नम्बर ४ कालिकास्थानको टोट्सालस्थित मध्यपहाडी लोकमार्गमा दुर्घटना हुँदा ट्रलीमा बसेकाहरू दुर्घटनामा परेको प्रहरीले जनाएको छ ।
दुर्घटनामा अन्य २४ जना घाइते भएका छन् । घाइते सबैको अवस्था खतरामुक्त रहेको प्रहरीले बताएको छ ।
