निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ भदौ २ बिहीबार
  • Thursday, 18 August, 2022
गगन अयडी बाजुरा
२०७९ जेठ २ सोमबार १०:४०:००
Read Time : < 1 मिनेट
समाचार डिजिटल संस्करण

तीनजना म्यादी प्रहरीमाथि खुकुरी प्रहार

Read Time : < 1 मिनेट
गगन अयडी बाजुरा
२०७९ जेठ २ सोमबार १०:४०:००

बाजुरामा आइतबार राति जिल्ला सदरमुकाम मार्तडीमा ड्युटीमा खटिएका तीनजना म्यादी प्रहरीमाथि खुकुरी प्रहार गरिएको छ । खुकुरी प्रहारबाट तीनजना म्यादी प्रहरी घाइते भएको जिल्ला प्रहरी कार्यालय बाजुराले जनाएको छ ।

खुकुरी प्रहारबाट बुढीगंगा ४ का २० वर्षीय पुष्प कटुवाल, हर्क सुनार र सुनिल थापा घाइते भएको जिल्ला प्रहरी कार्यालयले जानकारी दिएकाे छ । कटुवालको टाउकोमा गम्भीर चोट लागेको भए पनि उनी खतरामुक्त छन् । 

कटुवालसँगै रहेका म्यादी प्रहरीहरू हर्क सुनार र सुनिल थापा पनि सामान्य घाइते भएको जिल्ला प्रहरी कार्यालयले जनाएको छ । खुकुरी प्रहारमा संलग्न रहेको आरोपमा बडिमालिका नगरपालिका २ का नरेन्द्रनाथ र लोकन्द्र कार्कीलाई पक्राउ गरिएको प्रहरीले जनाएको छ । जिल्ला प्रहरी कार्यालयका प्रवक्ता गिन्द्र बोगटीले खुकुरीसमेत बरामद गरिएको जानकारी दिए ।