- वि.सं २o८१ बैशाख २२ शनिबार
झापाको बाह्रदशी गाउँपालिका- २ मा कांग्रेसको प्यानल नै विजयी भएको छ । कांग्रेसका भीमबहादुर कार्की १,३३९ मत ल्याउँदै विजयी भएका छन् ।
उनका निकटतम् प्रतिद्वन्द्वी एमालेका यादवप्रसाद मिश्रले १,०८१ मत प्राप्त गरे । यहाँ कांग्रेसले वडाध्यक्षसहित अन्य चारजना सदस्य पनि जितेको निर्वाचन अधिकृत पुष्करराज प्रसाईंले जानकारी दिए । यसअघि वडा नम्बर १ मा पनि कांग्रेसले प्यानल नै जितेको थियो ।
