- वि.सं २o८१ जेठ ५ शनिबार
गुल्मीमा एक किशोरी र एक महिलामाथि बलात्कार भएको छ । छत्रकोट गाउँपालिकाकी १८ वर्षीया किशोरीलाई बलात्कार गरेको आरोपमा सोही स्थानका ४३ वर्षीय एक पुरुषलाई जिल्ला प्रहरी कार्यालय गुल्मीले पक्राउ गरेको छ । आरोपितले किशोरीलाई फागुन २ गते घरनजिकै गोठमा लगेर बलात्कार गरेका थिए ।
पीडित परिवारले वैशाख १२ गते जिल्ला प्रहरी कार्यालयमा अभियुक्तविरुद्ध उजुरी दिएका थिए । उजुरीसँगै घटनामा संलग्न पुरुषलाई पक्राउ गरिएको जिल्ला प्रहरी कार्यालय गुल्मीका डिएसपी माधवराज खरेलले जानकारी दिए । उनलाई गुल्मी जिल्ला अदालतबाट म्याद थप गरेर अनुसन्धान भइरहेको खरेलले बताए ।
यसैगरी, केही दिनअघि इस्मा गाउँपालिकाकी २७ वर्षीया एक महिला बलात्कार गरेको आरोपमा सोही ठाउँका २९ वर्षीय एक पुरुष पक्राउ परेका छन् ।
