Skip This
सेन्चुरी कमर्सियल बैंक लिमिटेडले ४.०६ मेगावाटको तल्लो चिरखुवा होइड्रोइलेक्ट्रिक प्रोजेक्टको फाइनान्सियल क्लोजर सम्पन्न गरेको छ । भोजपुरको षडानन्द नगरपालिकामा रहेको जलविद्युत् परियोजनाको एलसी इनर्जी प्राइभेट लिमिटेडले पर्वद्धन गरेको हो ।
तल्लो चिरखुवा होइड्रोइलेक्ट्रिक प्रोजेक्टमा सन्चुरी बैंकको एकल लगानी रहेको जनाइएको छ । यसमा ७० प्रतिशत बैंकको ऋण लगानी र बाँकी पर्वद्धकको लगानी रहेको बैंकले जनाएको छ ।
परियोजनाको प्रवद्र्धकमा दीपक राई, विश्वमोहन श्रेष्ठ, केदारनाथ कार्की, दावा जंग्मु श्रेष्ठ लामा तथा ग्रुप रहेका छन् । उक्त समूहले ४.७ मेगावाट क्षमताको उपल्लो चिरखुवा होइड्रोपावर परियोजना निर्माण गरी विद्युत् उत्पादन गर्ने क्रममा रहेको जनाइएको छ । बैंकले हाल एक सय २९ शाखा, १० एक्सटेन्सन काउन्टर, २४ शाखारहित बैंकिङ र एक सय १३ एटिएममार्फत वित्तीय सेवा प्रदान गर्दै आएको जनाएको छ ।
