- वि.सं २o८१ जेठ ५ शनिबार
डडेल्धुराको गन्यापधुरा गाउँपालिका– १, साउँखर्कमा सुक्खा पहिरोका कारण सुदूरपश्चिम प्रदेशका सात पहाडी जिल्ला जोड्ने भीमदत्त राजमार्ग अवरुद्ध भएको छ । सडकमाथिबाट आएको पहिरोका कारण बुधबार बिहान १२ बजेदेखि राजमार्ग अवरुद्ध भएको जिल्ला प्रहरी कार्यालय डडेल्धुराले जनाएको छ । सुक्खा पहिरोले राजमार्ग अवरुद्ध भएपछि अहिले तराईबाट पहाडका लागि अत्यावश्यक सामग्री लिएर गइरहेका सवारीसाधन बीचबाटोमै रोकिएका छन् ।
सडक डिभिजन कार्यालयको डोजरले पहिरो पन्छाउने काम गरिरहेको स्थानीय पार्वती धामीले जानकारी दिइन् । दिउँसोदेखि सडकमाथिबाट सुक्खा पहिरो लगातार गइरहेकाले सडक अवरुद्ध भएको प्रहरीले जनाएको छ । बिहान १२ बजेदेखि निरन्तर रूपमा पहिरो हटाउने कार्य चलिरहेको बताइएको छ ।
