- वि.सं २o८१ बैशाख २२ शनिबार
सवारी दुर्घटनामा परी अमेरिकामा गत वर्षभरिमा ४६ हजारभन्दा बढीको मृत्यु भएको छ । राष्ट्रिय सुरक्षा परिषद्ले बुधबार सार्वजनिक गरेकाे प्रतिवेदनअनुसार सन् २०२१ भरिमा ४६ हजार २० जनाको मृत्यु भएको हो ।
परिषद्ले यसअघि सन् २०२० मा भने ४२ हजार तीन सय ३९ जनाको मृत्यु भएकाे प्रतिवेदन सार्वजनिक गरेकाे थियाे । अहिले दुर्घटनामा परी मृत्यु हुनेहरूको संख्या बढेको परिषद्ले जनाएकाे छ । त्यसैगरी सन् २०१९ मा भने ३९ हजार एक सय सात जनाको सवारी दुर्घटनामा परी मृत्यु भएको पनि परिषद्ले जनाएको छ ।
‘वार्षिक तथ्यांक हेर्दा हामी नराम्रो अवस्थातिर गइरहेको देखिएको छ, त्यसैले सडक सुरक्षाका लागि धेरै काम गर्नुपर्ने देखिएको छ,’ परिषदद्वारा जारी वक्तव्यमा लेखिएको छ ।
