बैतडीमा टिपर दुर्घटना हुँदा ३ जनाको मृत्यु

Read Time : < 1 मिनेट

नयाँ पत्रिका, बैतडी

नयाँ पत्रिका

२o८१ बैशाख २३ आइतबार १८:११:oo

बैतडीको पाटन नगरपालिका –३, झालिमालीमा टिपर दुर्घटना हुँदा दुई विद्यार्थीसहित ३ जनाको मृत्यु भएको छ। दुर्घटनामा घाइते छजनालाई उपचारका लागि डडेल्धुरा अस्पताल लगिँदै छ। इलाका प्रहरी कार्यालय पाटनका प्रहरी निरीक्षक राजेश शाहीका अनुसार तीनजनाको घटनास्थलमै निधन भएको छ।

त्यसमध्ये पाटन नगरपालिका–३ का १२ वर्षीय ज्ञानु विष्ट र सोही ठाउँका १७ वर्षीय ललित अवस्थी छन्। यस्तै दुर्घटनामा पाटन नगरपालिका–३ कै जनकराज पन्तको पनि मृत्यु भएको प्रहरी निरीक्षक शाहीले जानकारी दिए। मृतक विद्यार्थी सिगास माविमा अध्ययनरत रहेको स्थानीयले बताएका छन्। टिपरमा करिब २५–३० जना रहेको र धेरैले हामफालेर ज्यान जोगाएको स्थानीय प्रत्यक्षदर्शीहरूले बताएका छन्।

#दुर्घटना