Skip This
राष्ट्रपति विद्यादेवी भण्डारी र प्रधानमन्त्री शेरबहादुर देउवाबीच भेटवार्ता भएको छ। बिहीबार प्रधानमन्त्री देउवाले शीतलनिवास पुगेर राष्ट्रपति भण्डारीलाई भेटेका हुन्। राष्ट्रपति कार्यालयका अनुसार प्रधानमन्त्री देउवा र राष्ट्रपति भण्डारीबीच करिब १ घण्टा समसामसयिक विषयमा छलफल भएको थियो।
राष्ट्रपति भण्डारीका स्वकीय सचिव भेषराज अधिकारीले भेटवार्ता नियमित भएको र समसामयिक राजनीतिक विषयमा कुराकानी भएको जानकारी दिए । ‘भेटघाट नियमित नै हो, भेटमा समसामयिक राजनीतिक विषयमा छलफल भयो,’उनले नयाँ पत्रिकासँग भने। उनका अनुसार प्रधानमन्त्री देउवा भेटका लागि दिँउसो ३ बजे शीतलनिवास पुगेका थिए।
