- वि.सं २o८१ बैशाख २४ सोमबार
संखुवासभा उद्योग वाणिज्य संघको अध्यक्षमा कृष्णभगत प्रधान सर्वसम्मत भएका छन् । संघको १४औँ जिल्ला अधिवेशनबाट समितिका वरिष्ठ उपाध्यक्ष डेगराज बस्नेत, उपाध्यक्षहरू सञ्जीवकुमार श्रेष्ठ, नवीनकुमार गौली र डाक्टरप्रसाद पराजुली निर्वाचित भएका छन् ।
त्यस्तै, महासचिव सरोजकुमार बज्राचार्य, उपमहासचिव प्रवीण श्रेष्ठ, सचिव हिमाल श्रेष्ठ र राजकुमार श्रेष्ठ चयन भएका हुन् । कोषाध्यक्षमा जनक पौडेली र सहकोषाध्यक्षमा राजीव श्रेष्ठ चयन भएका छन् । उक्त समितिमा २९ जना सदस्यहरू निर्वाचित भएको निर्वाचन अधिकृत श्यामसुन्दर उदासले जानकारी दिए ।
संखुवासभा उद्योग वाणिज्य संघ व्यापारीहरूको साझा संस्था हो । यसले विभिन्न सामाजिक क्रियाकलापसमेत गर्दै आएको छ । नवनिर्वाचित अध्यक्ष प्रधानले व्यापारीहरूको हकहितका लागि नयाँ कार्ययोजना बनाएर लागिपर्ने बताए ।
