माघ १२ गते हुने राष्ट्रिय सभाको निर्वाचनमा मधेस प्रदेशमा नेकपा (एमाले) र लोकतान्त्रिक समाजवादी पार्टी नेपाल (लोसपा)ले सहकार्य गर्ने भएका छन्। एमाले र लोसपाका प्रदेश कमिटीले बिहीबार संयुक्त विज्ञप्ति जारी गर्दै राष्ट्रिय सभा निर्वाचनमा गठबन्धन बनाएर जाने जानकारी दिएका हुन्।

अन्यतर्फ एमालेका उसमान अन्सारी र महिलातर्फ लोसपाकी रूपाकुमारी यादवलाई मतदान गर्न विज्ञप्तिमा आग्रह गरिएको छ। माघ १२ गते राष्ट्रिय सभाका १९ सदस्यका लागि निर्वाचन हुँदै छ।