Read Time : < 1 मिनेट
२o८१ बैशाख २२ शनिबार १८:३९:oo
मकवानपुरस्थित हेटौँंडा उपमहानगरपालिका– १९ दामिटारमा टिपरको ठक्करबाट एकजनाको मृत्यु भएको छ । हेटौँडाबाट मनहरीतर्फ जाँदै गरेको बागमती प्रदेश ०३–००१ ख १८४९ नम्बरको टिपरले चितवनबाट हेटौँडातर्फ आउँदै गरेको ना ४९ प ८२५२ नम्बरको मोटरसाइकललाई बुधबार ठक्कर दिँदा एकजनाको मृत्यु भएको हो । अर्का एकजना घाइते भएका छन् ।
जिल्ला प्रहरी कार्यालय मकवानपुरका प्रहरी निरीक्षक देवेन्द्र दासका अनुसार मृत्यु हुनेमा मोटरसाइकलचालक चितवन रत्ननगर नगरपालिका निवासी ४० वर्षीय युवराज आचार्य रहेका छन् । दुर्घटनामा परेर मोटरसाइकलमा सवार बागलुङ जैमिनी निवासी ३३ वर्षीय नुरबहादुर थापा घाइते भएका छन् ।
घाइते थापाको हेटौँडास्थित चुरेहिल अस्पतालमा उपचार भइरहेको छ । थापाको अवस्था सामान्य रहेको छ । टिपरचालक फरार रहेकाले प्रहरीले खोजी गरिरहेको जनाएको छ ।
