- वि.सं Invalid date format
जुम्लाको सिँजा गाउँपालिका– २ स्थित घोडेगंगामा बस दुर्घटना हुँदा दुईजनाको घटनास्थलमै मृत्यु भएको छ। कनकासुन्दरी गाउँपालिकाको गुठीज्युलाबाट नेपालगन्जतर्फ जाँदै गरेको ना.६ख ४४३८ नम्बरको यात्रुबाहक बस आज बिहान दुर्घटना हुँदा चालक र सहचालकको मृत्यु भएको जिल्ला प्रहरी कार्यालय जुम्लाले जनाएको छ।
प्रहरीका अनुसार घाइते दुईजनालाई कनकासुन्दरी गाउँपालिकाको एम्बुलेन्सबाट सदरमुकामस्थित कर्णाली स्वास्थ्य विज्ञान प्रतिष्ठानतर्फ ल्याइँदैरहेको छ।
घटनास्थलतर्फ प्रमुख जिल्ला अधिकारीसहित सुरक्षा टोली पनि गएको छ। प्रजिअ विजयाकुमारी प्रसाईंका अनुसार हालसम्म दुईजनाको मृत्यु र दुईजना घाइते भएकाे जनाइएको छ। बस के–कति कारणले दुर्घटना भएको हो खुलेको छैन। घटनाको विस्तृत विवरण आउन बाँकी छ।
