- वि.सं २o८१ बैशाख २० बिहीबार
कांग्रेस उपसभापति विमलेन्द्र निधि महाधिवेशन प्रतिनिधिमा सर्वसम्मत चयन भएका छन् । धनुषा क्षेत्र नं. ३ बाट उनी सर्वसम्मत महाधिवेशन प्रतिनिधि चयन भएका हुन् ।
आइतबार भएको अधिवेशनबाट निधिसहित महाधिवेशन प्रतिनिधि सर्वसम्मत चयन भएका छन् । निधिकी पत्नी अनामिका, प्रदेश २ का भौतिक पूर्वाधार विकासमन्त्री रामसरोज यादव, कांग्रेसका केन्द्रीय सदस्य मीनाक्षी झा, प्रतिनिधिसभा सदस्य स्मृतिनारायण चौधरी, प्रदेश सांसद शिवचन्द्र चौधरी र प्रमिला दास सर्वसम्मत महाधिवेशन प्रतिनिधिमा चयन भएका हुन् ।
यस्तै, धनुषा निर्वाचन क्षेत्र नम्बर ३ का क्षेत्रीय सभापतिमा धीरेन्द्र निधि पनि सर्वसम्मत चयन भएका छन् । धनुषाका बाँकी निर्वाचन क्षेत्रमा क्षेत्रीय अधिवेशन जारी रहेको कांग्रेसका युवा नेता परफुल घिमिरेले जानकारी दिए ।
