- वि.सं Invalid date format
नेकपा (माओवादी केन्द्र)का प्रमुख सचेतक देव गुरुङले गठबन्धन न्यायालयमा देखिएको विवाद छिटै समाधान होस् भन्ने पक्षमा रहेको बताएका छन्। प्रधानन्यायाधीश चोलेन्द्रशमशेर जबराको पदमुक्तिका लागि सहयोग गर्न माग गर्दै ज्ञापनपत्र बुझाउन पुगेको नेपाल बार एसोसिएसनको टोलीसँग गुरुङले यस्तो बताएका हुन्।
उक्त विषयमा पाँचदलीय गठबन्धनमा समझदारी बनिसकेको भन्दै उनले विवाद समाधानका लागि छिटोभन्दा छिटो पहल गर्ने बताए। 'पाँच दलमा एउटा समझदारी बनेको छ। न्यायालयको शुद्धीकरणका लागि छिटोभन्दा छिटो समाधान होस् भन्ने पक्षमा गठबन्धन छ। पार्टी पनि छिटोभन्दा छिटो समाधान होस् भन्नेमा कटिबद्ध छ,' प्रमुख सचेतक गुरुङले भने, 'पार्टीको धारणाको सन्दर्भमा यो पत्रलाई पार्टी अध्यक्षलाई बुझाएर छिटोभन्दा छिटो समाधानका लागि अनुरोध गर्नेछु।'
