- वि.सं Invalid date format
देशभर थप दुई सय ९९ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयले बिहीबार सार्वजनिक गरेको विवरणअनुसार पछिल्लो २४ घन्टामा पिसिआर परीक्षणमा दुई सय ७२ र एन्टिजेन परीक्षणमा २७ जनामा संक्रमण देखिएको हो।
यो अवधिमा सात हजार आठ सय ६३ जनाको पिसिआर परीक्षण र तीन हजार दुई सय ८८ जनाको एन्टिजेन परीक्षण गरिएको थियो।
हाल देशभर सात हजार ६ सय ४२ जना सक्रिय संक्रमित रहेका छन्। बिहीबार दुई सय ६० जना कोरोना संक्रमणमुक्त भएका छन्।
पछिल्लो २४ घन्टामा ६ जना संक्रमितको मृत्यु भएको छ। हालसम्म मृत्यु हुने संक्रमितको संख्या ११ हजार चार सय ८९ पुगेको छ।
