Skip This
प्रधानन्यायाधीश चोलेन्द्रशमशेर जबराको राजीनामा माग गर्दै नेपाल बार एसोसिएसनको आन्दोलन चौथो दिन पनि जारी छ । पहिलो चरणको कार्यक्रमअन्तर्गत बारले अन्तिम दिन पनि धर्ना दिएको हो।
अहिले नेपाल बारको आग्रहमा कानुन व्यवसायीहरूले सर्वोच्च बार परिसरमा धर्ना दिइरहेका छन्। सयौँको संख्यामा कानुन व्यवसायीहरू सर्वोच्च अदालत परिसरमा धर्नामा सहभागी बनेका छन्।
बारले प्रधानन्यायाधीश जबरालाई राजीनामाका लागि अल्टिमेटमसहित आइतबारबाट धर्नाको कार्यक्रम घोषणा गरेको थियो। नेपाल बारले राजीनामा बारको बटमलाइन बनेकाले राजीनामा नआएसम्म बारले चरणबद्ध आन्दोलनका कार्यक्रम जारी राख्ने बताएको छ। आजबाट पहिलो चरणको आन्दोलनको कार्यक्रम पूरा हुनेछ। बारले तिहारपछि थप सशक्त आन्दोलनका कार्यक्रमलाई अगाडि बढाउने बताएको छ।
