- वि.सं २o८१ जेठ २० आइतबार
दाङको तुल्सीपुर उपमहानगरपालिका ६ मोतिपुरमा यात्रुबाहक गाडी दुर्घटना हुँदा एकजनाको मृत्यु भएको छ । इलाका प्रहरी कार्यालय तुल्सीपुरका प्रहरी नायब उपरीक्षक श्यामु अर्यालका अनुसार घोराही उपमहानगरपालिका– १० का २८ वर्षीय प्रेम परियारको मृत्यु भएको हो ।
गम्भीर घाइते परियारलाई राप्ती प्रादेशिक अस्पताल तुल्सीपुर पुर्याएलगत्तै चिकित्सकले मृत घोषणा गरेका थिए । आइतबार साँझ ५ बजेतिर घोराहीतर्फ जाँदै गरेको ना ६ ख ७६३३ नम्बरको गाडी दुर्घटना हुँदा अन्य २१ जना घाइते भएका छन् । घाइतेको राप्ती प्रादेशिक अस्पताल तुल्सीपुरमा उपचार भइरहेको छ ।
