- वि.सं २o८१ बैशाख २३ आइतबार
पूर्वप्रधानमन्त्री कीर्तिनिधि बिष्टको नाउँमा स्थापित एक लाख रुपैयाँ राशिको ‘नइ कीर्तिनिनिधि पुरस्कार’ बाट राप्रपा अध्यक्ष कमल थापा पुरस्कृत भएका छन् । नई प्रकाशनले काठमाडौंमा शनिबार आयोजना गरेको कार्यक्रममा संस्कृतिविद् सत्यमोहन जोशीले थापालाई पुरस्कार प्रदान गरे ।
पुरस्कार ग्रहण गर्दै थापाले शताब्दी पुरुष डा.सत्यमोहन जोशीबाट पुरस्कार ग्रहण गर्न पाउँदा आफूलाई भाग्यशाली महसुस गरेको बताए । थापाले जीवनमा धेरै कठिन परीक्षाको घडी, घात, प्रतिघात पार गरेको भन्दै आफ्नो पछाडि कति भिड छ भनेर कहिल्यै नहेरी निरन्तर सत्य र निष्ठाको बाटोमा अविचलित भएर हिँडिरहेको बताए ।
नेपालको सार्वभौमिक अखण्डता, राष्ट्रिय स्वाधीनता र स्वाभिमानको अक्षुणता संरक्षण र संवद्र्धनका लागि प्रतिबद्ध भएकाले कमल थापालाई पुरस्कार प्रदान गरिएको नइ प्रकाशनका सदस्यसचिब नरेन्द्रराज प्रसाईले बताए ।
