- वि.सं २o७८ असोज १८ सोमबार
नेपाली कांग्रेसका नेताहरू विमलेन्द्र निधि, शशांक कोइराला र प्रकाशमान सिंहले महाधिवेशन कार्यतालिका प्रभावित हुन नदिन दबाब आवश्यक रहेको निष्कर्ष निकालेका छन् । निधिनिवास बानेश्वरमा सोमबार भएको भेटका क्रममा नेतात्रयले यस्तो निष्कर्ष निकालेका हुन् ।
नेतात्रयको भेटमा क्रियाशील सदस्यता विवादका कारण महाधिवेशन तालिका प्रभावित हुने अवस्था आएको विषयमा छलफल भएको थियो ।
नेताहरूले भेटबाट तोकिएकै समयमा महाधिवेशन सम्पन्न गर्न दबाब दिने, सरकारलाई तत्काल पूर्णता दिनुपर्ने र सहमतिमै सभापतिको साझा उम्मेदवार तय गर्न भेटघाटलाई निरन्तरता दिनु आवश्यक रहेको निष्कर्ष निकालेका छन्।
तीन नेताबीच महाधिवेशनको रणनीति, सहमतिमा नेतृत्व चयन, सरकारको भूमिकालगायतका विषयमा रहेर निरन्तर भेटघाट हुँदै आएको छ ।
