मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ कार्तिक ४ बिहीबार
  • Thursday, 21 October, 2021
नयाँ पत्रिका काठमाडौं
२०७८ भदौ ३१ बिहीबार १६:५९:००
Read Time : < 1 मिनेट
मुख्य समाचार डिजिटल संस्करण

डडेल्धुरामा फेरि वडा अधिवेशन गराउन निर्वाचन समितिलाई पौडेल समूहको ध्यानाकर्षण (भिडियोसहित)

Read Time : < 1 मिनेट
नयाँ पत्रिका, काठमाडौं
२०७८ भदौ ३१ बिहीबार १६:५९:००

नेपाली कांग्रेसको संस्थापनइतर पक्षले डडेल्धुरामा फेरि वडा अधिवेशन गराउन केन्द्रीय निर्वाचन समितिलाई ध्यानाकर्षण गराएको छ। वरिष्ठ नेता रामचन्द्र पौडेल समूहले निर्वाचन समितिका सदस्यहरूलाई बिहीबार पार्टी कार्यालयमा भेटेर यस्तो ध्यानाकर्षण गराएको हो।

निर्वाचन समितिका संयोजक महादेवप्रसाद यादवका अनुसार नेताहरूले समितिका सदस्यहरूसँग छलफल गरेका हुन्। ‘उहाँहरू एक घन्टादेखि समितिसँगको छलफलमा हुनुहुन्छ। निर्वाचनका विषयमा छलफल भइरहेको छ,’ उनले नयाँ पत्रिकासँग भने।

पौडेलनिकट केन्द्रीय सदस्य बलबहादुर केसीका अनुसार निर्वाचन समितिलाई डडेल्धुरामा पुनः निर्वाचन गराउन, सार्वजनिक भएको क्रियाशील सदस्यतामा देखिएको समस्या र बाँकी निर्वाचनलाई निष्पक्ष बनाउन ध्यानाकर्षण गराइएको हो।

ध्यानाकर्षणका लागि वरिष्ठ नेता पौडेलको नेतृत्वमा महामन्त्री शशांक कोइराला, पूर्वमहामन्त्री प्रकाशमान सिंहलगायतका नेताहरू सानेपा पुगेका हुन्। पौडेल समूहले पार्टी सभापति शेरबहादुर देउवाको गृहजिल्ला डडेल्धुरामा नेताहरूकै असहमतिबीच निर्वाचन गराइएको भन्दै यसलाई अस्वीकार गर्ने घोषणा गरिसकेको छ।