- वि.सं २०७८ कार्तिक ४ बिहीबार
नेपाली राष्ट्रिय क्रिकेट टोलीले आज शुक्रबार पपुवान्युगिनीविरुद्ध दोस्रो एकदिवसीय अन्तर्राष्ट्रिय खेल खेल्दै छ। खेल ओमानको अल अमिरात क्रिकेट मैदानमा अपराह्न सवा चार बजे सुरु हुनेछ। नेपालले पपुवान्युगिनीसँग पहिलो पटक डे–नाइट (दिन–रात) एकदिवसीय खेल खेल्न लागेको हो।
बुधबार नेपालले पहिलो खेलमा पपुवान्युगिनीलाई २ विकेटले पराजित गरेको थियो। आइसिसी विश्वकप क्रिकेट लिग– २ अन्तर्गत ओमान र अमेरिकासँगको त्रिकोणात्मक एकदिवसीय सिरिज खेल्नुअघि नेपालले पपुवान्युगिनीसँग दुई एकदिवसीय खेल खेलिरहेको छ।
लिग– २ अन्तर्गतको त्रिकोणात्मक एकदिवसीय सिरिजमा नेपालले पहिलो खेल अमेरिकासँग यही भदौ २८ गते खेल्नेछ। दोस्रो खेल ओमानसँग भदौ २९ गते खेल्ने तय भएको छ। यस्तै, नेपालले तेस्रो खेल अमेरिकासँग आगामी असोज १ गते तथा अन्तिम खेल ओमानसँग असोज ३ गते खेल्नेछ।
