- वि.सं २o८१ जेठ १ मंगलबार
लुम्बिनी प्रदेश सभामा प्रतिनिधित्व गर्ने नेकपा एमाले सांसद रमा घर्तीले नेकपा एकीकृत समाजवादी पार्टी रोजेकी छिन् । लुम्बिनी प्रदेश सभा पाल्पाकी सांसद घर्तीले प्रदेश निर्वाचन कार्यालय दाङ पुगेर समाजवादी पार्टी रोजेकी हुन् ।
आयोगका प्रदेश निर्वाचन अधिकारी निमराज भट्टराईको रोहवरमा घर्तीको हस्ताक्षर सनाखत भएको छ । भट्टराईले एकजना सांसदले समाजवादी रोजेको बताए । घर्तीले समाजवादी रोजेसँगै प्रदेश सभामा प्रतिनिधित्व गर्ने राजनीतिक दलको संख्या ६ पुगेको छ ।
८० सदस्यीय प्रदेश सभामा एमालेका ३७ सांसद थिए । घर्तीले नेकपा एकीकृत समाजवादी रोजेपछि अब एमाले सांसदको संख्या ३६ मा झरेको छ ।
