Read Time : < 1 मिनेट
२०७८ जेठ २७ बिहीबार १४:२५:००
उपत्यका नगरपालिका फोरमका अध्यक्ष तथा काठमाडौं महानगरपालिकाका मेयर विद्यासुन्दर शाक्यले काठमाडौं उपत्यका भित्रिने र बाहिरिने नाकाहरूमा थप कडाइ गरेर उपत्यकाभित्रको जनजीवन सुचारु गर्नुपर्ने बताएका छन् ।
निषेधाज्ञालाई एकैपटक नभई चरणबद्ध गर्दै खुकुलो बनाउँदै लैजान सकिने मेयर शाक्यले बताए ।
कोरोना संक्रमणको जोखिम बढेपछि काठमाडौं उपत्यकाभित्रका तीन जिल्लामा निषेधाज्ञा लागू भएको ४३ दिन पुगेको छ ।
निषेधाज्ञाका कारण जनजीवन ठप्प छ । यसै निषेधाज्ञाको कारणले कोरोना संक्रमणको दरमा कमी आएको छ । निषेधाज्ञाका कारण घरभित्र रहेका जनताहरूमा उकुसमुकुस हुन थालेको छ ।