दाउन्नेमा बस दुर्घटना हुँदा चारको मृत्यु

Read Time : < 1 मिनेट

रामकुमार श्रेष्ठ नवलपरासी

नयाँ पत्रिका नवलपरासी

२o८१ बैशाख २१ शुक्रबार o८:२४:oo

पूर्व–पश्चिम राजमार्गअन्तर्गत बर्दघाट-दाउन्ने सडकखण्डमा बस दुर्घटना हुँदा कम्तीमा ४ जनाको ज्यान गएको छ । पश्चिम नवलपरासीका प्रमुख जिल्ला अधिकारी धर्मेन्द्र मिश्रका अनुसार दुर्घटनामा परेर अहिलेसम्म चारजनाको निधन भएको छ । एकजना बसमै च्यापिएको अवस्थामा पाइएको छ ।

काठमाडौंबाट रुकुमका लागि छुटेको ना.५ख २७१३ नम्बरको बस बुधबार बिहान बर्दघाट नगरपालिकाकाे दाउन्नेको खुर्सानी खोलामा दुर्घटनामा परेको हो ।

प्रमुख जिल्ला अधिकारी मिश्रका अनुसार दुर्घटनामा परेर घाइते भएकाहरूलाई प्रहरी टोलीले उद्धार गरिरहेको छ । लकडाउनको समयमा पनि बस किन र के कारणले यात्रु बोकेर हिँडेको हो केही खुलेको छैन । बसमा कति यात्रु थिए र कति घाइते भए भन्ने विस्तृत विवरण आएको छैन ।