- वि.सं २o७८ जेठ ३ सोमबार
डरलाग्दो गरी बढिरहेको कोरोना संक्रमण र मृत्युको खबरले आममानिसलाई तरंगित बनाइदिएको छ । आज सन्चो भएको मान्छे भोलि के होला भन्ने त्रासमा अहिले विश्व जनजीवन प्रताडित छ ।
नेपालमा पनि त्यसको असर भयावह रूपमा परिरहेको छ । दिनप्रतिदिन मानिसहरू लास बनिरहेका छन् । आर्यघाटमा रुमलिएको धुँवाको मुस्लोले जिउँदाको आँखा पोलिरहेको छ र झरिरहेको छ नुनिलाे आँसु । मानिसहरू भयमा बाँचिरहेका छन् । पशुपति आर्यघाटको यो दृश्य हेर्दा भक्तराज आचार्यको गीतको सम्झना हुन्छ- मुटु जलिरहेछ, यो मन गलिरहेछ...
