एमालेको झलनाथ खनाल र माधव नेपाल समूहका सांसदहरू विश्वासको मतका लागि दिउँसो १ बजे बस्ने संसद् बैठकमा अनुपस्थित हुने भएका छन् ।
सिंहदरबारमा बसेको सांसदहरूको बैठकले त्यस्तो निर्णय गरेको सांसद विरोध खतिवडाले बताए । खनाल–नेपाल समूह सामूहिक राजीनामाबाट एक कदम पछि हटेको पनि उनले जानकारी दिए ।
बैठकमा सामूहिक राजीनामा कि मत दिने विषयमा सांसदहरूबीच समान धारणा नभएपछि मध्यमार्गी निर्णय गरिएको एक सांसदले बताए ।