मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
२०७७ फाल्गुण १२ बुधबार १२:५८:००
Read Time : < 1 मिनेट
मुख्य समाचार डिजिटल संस्करण

उपत्यका सडक विस्तार पीडित संघर्ष समितिका आठ अभियन्ता पक्राउ, प्रहरीद्वारा फोटो पत्रकारको क्यामेरा पनि जफत 

Read Time : < 1 मिनेट
२०७७ फाल्गुण १२ बुधबार १२:५८:००

उपत्यका सडक विस्तार पीडित संघर्ष समितिका अध्यक्ष सुमन सायमीसहित बालाजु प्रहरीले आठजना अभियन्तालाई प्रकाउ गरेको छ । विरोचन श्रेष्ठ, महेश मानन्धर, मीन शाहीलगायतलाई महानगरीय प्रहरी वृत्त बालाजुले  पक्राउ गरी हिरासतमा राखेको छ । 

बिहान साढे ९ बजे काठमाडौं महानगरपालिकाले बनाउन लागेको सूचना केन्द्रमा लगाइएको बार अभियन्ताहरूले भत्काएका थिए । अभियन्ताहरूले लामो समयदेखि उक्त जग्गाबारे सर्वोच्च अदालतले स्टे अर्डर जारी गरेकाले महानगरपालिकाले तत्काल सूचना केन्द्र निर्माण गर्न नहुने बताउँदै आएका छन् । सर्वोच्चले पनि ०७३ सालमै उक्त जग्गामा कुनै पनि कार्य नगर्नु भन्ने आदेश जारी गरेको थियो । 

अभियन्ता पक्राउ परेपछि वृत्त  पुगेका खोज सञ्चारका फोटो पत्रकार प्रज्ञा थैबको क्यामेरा पनि प्रहरीले खोसेर राखेको छ । थैबले नयाँ पत्रिकालाई भनिन्, ‘गेटभन्दा बाहिरबाट फोटो खिच्दा प्रहरीले क्यामेरा खोसेको हो । अभियन्ता र प्रहरीबीच रस्साकस्सी चलिरहेको वेला फोटो खिचिरहेकी थिएँ । त्यसवेला प्रहरीले मेरो क्यामेरा खोसिदियो ।’

वृत्तका प्रहरी अधिकृतका अनुसार निर्माणाधीन सूचना केन्द्रमा घेरिएको बाँस र टिन अभियन्ताहरूले तोडफोड गरेपछि र मुठभेडको अवस्था आएपछि पक्राउ गरिएको हो ।