- वि.सं २o७७ पौष २९ बुधबार
नेपाल प्रहरीका ११ जना प्रहरी उपरीक्षक (एसपी)को वरिष्ठ प्रहरी उपरीक्षक (एसएसपी) बढुवामा सिफारिस भएको छ । बुधबार बसेको गृहसचिव अध्यक्षताको बढुवा सिफारिस समितिले सिनियर एसपीहरूको बढुवा सिफारिस गरेको हो ।
बढुवा सिफारिस हुनेहरूमा कृष्णकुमार महत, गोविन्दकुमार साह, उमाशंकर पञ्जियार, अर्जुन चन्द ठकुरी, जनकराज पाण्डेय, सुरेन्द्रप्रसाद मैनाली, कृष्णहरि शर्मा पोखरेल, चक्रबहादुर सिंह, दिल्लीराज पन्त, मधुसूदन लुइँटेल र मोहनप्रसाद पोख्रेल छन् ।
बढुवा सिफारिस समितिले सिफारिसउपर एक साताभित्र उजुरी दिन सूचना प्रकाशन गरेको छ ।
