संसद् विघटनको विरोधमा नेकपाको प्रचण्ड–नेपाल समूहले देशभर विराध सभा गर्दै छ । 

सरकारले असंवैधानिक रूपमा संसद् विघटन गरी निर्वाचन घोषणा गरेको भन्दै त्यसको विरोधमा नेकपाको पुष्पकमल दाहाल प्रचण्ड–माधवकुमार नेपाल समूहले विरोध कार्यक्रम गर्न लागेको हो । 

काठमाडौं उपत्यकाको विभिन्न स्थानबाट जुलुस सुरु भएको छ । 

विभिन्न स्थानबाट आउने जुलुस भृकुटीमण्डपमा पुग्ने र त्यहाँ विभिन्न शीर्ष नेताहरूले सम्बोधन गर्ने जनाइएको छ । 
काठमाडौंको विरोध सभालाई बृहत् बनाउने नेताहरूले जनाएका छन् । 

सरकारको सिफारिसमा राष्ट्रपति विद्यादेवी भण्डारीले संसद् विघटन गर्न सदर गरेसँगै संघीय प्रतिनिधिसभा विघटन भइसकेको छ । यसका विरुद्ध सर्वाेच्च अदालतको संवैधानिक इजलासमा मुद्दा विचाराधीन अवस्थामा चलिरहेको छ । 

नेकपा प्रचण्ड–नेपाल समूहले यो कदम असंवैधानिक भएको भन्दै आन्दोलनको घोषणा गरेको हो ।